Anouar Daki
Admin
عدد المساهمات : 90
نقاط : 244615
تاريخ التسجيل : 09/07/2011
العمر : 28
الموقع : www.info.dust.tv
 |  موضوع: اروع مواضيعي  الجمعة يوليو 15, 2011 1:42 pm | |
| يشرفني أن أقدم بين أيديكم أخر * ماغنات أم كلثوم * في النــكت
بدون اطــــــــــــــــالة اليكم النـــكت
1- واحد الشفار بغى يتوب وهو يسرق جوج سيديات ديال القرآن.
-------------------------------
2- واحد مكلخ كان كيصبغ الحيط ف دارهوم. قالو ليه: إيوا بعدا على الأقل دير جرنان تحت منك
قال ليهم المكلخ: لا بلاش، راني طويل.
-------------------------------
3- راجل معقول كان غادي وطاح ف حفرة
ناض منها وشاف قدامو وهي تبان ليه حفرة أخرى وقال: أوووف هنطيح عوتاني.
-------------------------------
4- واحد مكلخ حل مصنع ديال التلج وسماه: مصنع الماء الناشف.
-------------------------------
5- رباعة د المكلخين دارو مظاهرة ناضوا لبّسوا واحد فيهم الماسك ديال بوش وحرقوه.
-------------------------------
6- هادا واحد التلميد قال ليه المعلم: عطيني خمسة ديال الحيوانات
قال ليه التلميد: بقرة و كلب و تلاتة ديال الحمامات.
-------------------------------
7- واحد المرا كاعية مع راجلها وهي تقول ليه: كون غير خديت إبليس ولا خديتك
قال ليها راجلها: شرعا، لا يجوز المرا تجوج بخوها.
-----------------------------
8- واحد مكلخ موصلينو دارهم للمطار. الطريق كامل وهو كيقول: كون غير جبت التلفزة... كون غير جبت التلفزة
مللي وصلوا المطار، دارهم طلع ليهم الدم وقالوا ليه: فرعتي لينا راسنا، علاش زعما تجيب التلفزة؟
قال ليهم: حيت خليت الباسبور فوق منها.
----------------------------
9- الفروج قال للدجاجة: أشنو فايدة اللي كيبيض البيض للناس باش ياكلوه؟
قالت ليه الدجاجة: إيوا بعدا حسن من اللي كيودن وما كيصليش .
-----------------------------
10- واحد الراجل قال لمرتو: وجدي راسك اليوم غادي نتعشاو برا
ملي رجع للدار ف العشية، لقاها حطات الميدة ف الزنقة.
----------------------------
11- هدا واحد الدري قال لصاحبو: علمني كيفاش نتصاحب
قال ليه صاحبو: ساهلة. هز حجرة صغيرة وضربها بيها. وإيلا دارت عندك قول ليها ما نتصاحبوش أ الزين
الغد ليه هز الدري حجرة قدها قد آش وضرب بيها بنت وهي تفلق وتسخف. تجمعوا عليها عباد الله، و هو يجي خينا يجري: أحيدوا راه أنا اللي صيدتها.
-------------------------
12- واحد المعلم عزيزعليه يسلخ الدراري. شد واحد الولد وسولو: باش تغديتي اليوم؟
جاوبو: بالمرقة. هز المعلم العصا وبدا يضرب فيه: ها البطاطا، ها خيزو، ها اللفت، ها اللحم، ها البصلة... حتى شبعو عصا
داز على التلاميد كلهم حتى وصل عند واحد العايق سولو: باش تغديتي؟
هو يقول ليه: بمسكة
وقف المعلم شوية يفكر، وهز العصا حتى السما هو يعطيه: ها الكاغيط الفوقاني، ها الكاغيط التحتاني، ها نضغ نضغ نضغ نضغ .
أتمنــــى صادقا أن تنال اعجـــابكم
والى اللقـــاء ان شــــاء الله
مــــع نـــــكـــــت جديدة | |
|
Admin
Admin
عدد المساهمات : 80
نقاط : 245616
تاريخ التسجيل : 19/06/2011
العمر : 28
الموقع : www.info.dust.tv
| | موضوع: رد: اروع مواضيعي الثلاثاء يوليو 19, 2011 5:56 pm | |
| | |
|
